لا تغرّك ضحكتي مع وجهي المتعافي ( جديدي )

[نايل الظفيري]

السلام عليكم ورحمة الله وبركاته







كل عام وانتم بخير , اخواني متواضعه لها شرف مروركم

الشعر طير ٍ كفخ فينـي وريشـه وافـي
يوم غيري يحّسب إنّـه وزن مـع قافيّـه

والصدر مركب مواجع والحزن مجدافي
كل ما ضاق الفضا تبّحر همومـي فيّـه

في محيط البوح هوبلّت الشعور الخافـي
قلت أجرّ الصوت والشرهه على النفسيّه

لو تموت آحلام عمري ما تموت أهدافـي
في عيوني دامهـا علـى الأمـل مبنيّـه

يا معوّدني عليك أسهـر وجفّنـك غافـي
ليه تقسى ! وانت قلبـك ممّتلـي حنّيّـه

لا تغرّك ضحكتي مع وجهـي المتعافـي
والله إنّ النار من جمّـر المفـارق حيّـه

القهـر مـرّه تحـب ومرّتيـن ٍ جافـي
والبلا لا صرّت أنـا مابيـن ذي و ذيّـه

كيف تهّجرني وانا اللي في غرامك صافي
كيـف تجّمعنـي وتنّثرنـي هنـا وهنيّـه

أذّكر إنّك قلت وش يعّني لك الأنصافـي
قلت هذا شئ مـا شفّتـه معـك موليّـه

وإنت تدري عين تفرش لك وعين ولحافي
غير لا ترهي بشمّسك عقب ذيـك الفيّـه