( انت وينك ) كيبورديه لقلوبكم الطاهره

[نايل الظفيري]

ولقلوبكم الطاهره .. هي كما خرجت من الكيبورد .. إقبلوا تواضعها













إنت وينك ؟ وربّي ( فاقدك ) من زمـان
ياترى ؟ في غيابي كنت ( تشتـاق ) لّـي


أنا خابر ( خفوقـك ) مـا يمـرّه حنـان
كان من نعمة ( الإحساس ) قلبـك خلّـي


كل ما غبت عنّـي يـوم ( كنّـه ) ثمـان
حسبي ( الله ) عليك إن كنت بـك مبّتلـي


جيت أبنطق ( أحبك ) وأنعقد بـي لسـان
شوفها كيف في صـدر الغـلا تصّطلـي


كان ما ودّك أوصل بك ( لبـرّ ) الأمـان
خلّني... لا تجي ( إنت ) و زماني علّي !


مـا كتبّتـك مـن الحرمـان إلاّ عشـان
حبّك اللي على ( نـار ) الفـراق إيغّلـي


كنت أحسّك معي في كل وقـت ومكـان
كنت أشوفك مثل نجـم الجـدي معّتلـي


أوّلي ( حلم ) كانت بـه عزومـي متـان
وآخري ما بقى به ( حيل ) مـن أوّلـي


صاحبـي لا تخلّيـنـي أذوق الـهـوان
ليتك تعـوّض اللـي راح فيمـا يلـي ..


كـان ماجيتنـي قـبـل فــوات الآوان
يـا تلحّـق أو إنّـك مـا تلحّـق علّـي