( الغايب عذره معه ) ....!

[نايل الظفيري]

السلام عليكم ورحمة الله وبركاته

ياحادي العين تذرف من غيابك دموع=شاعرك في موق عينه جف به مدمعه

الهم فنجال صدّك والمآسي قدوع=والضيق جايع ولكن الصدر مرتعه

ماتدري إني من الفرقا نحيل الضلوع=مستوطن اليآس فيني ماقويت أردعه

أخبّي الجرح وأضحك في وجيه الربوع=ورياح حزن المفارق تشبه الزوبعه

تعبت أجامل فراقك يا حسين الطبوع =ملّيت من قولة الغايب وعذره معه

وين إنت ما قد خبرتك بالمواصل قطوع=حبل الجفاوه متى سيف الوصل يقطعه

صحيح أحبّك ولكن ما رضيت الخضوع=إلّا لربي عسى الله شمّلنا يجمعه

إن مرّ طيفك وأنا في عزّ نومي أفوع=اشبعه مرّه وأجوع احيان لجل أشبعه

أزعل لعينك جموع أرضي لعينك جموع=يا منّهل الذوق لا والله يا منّبعه

لو إن وصلك قصيده كان تقبل بطوع=ما كان ضيّعت عمري بالغرام أتبعه

ذابت سنين المحبّه مثل ذيك الشموع=( 29 ) شمّعه مابهن منّفعه

تعبت أجامل فراقك يا حسين الطبوع=ملّيت لو قالوا الغايب وعذره ( معه )