لآصآر مقصود آلصدآقهٌ على شـي ,, آشطب عليهآ وآطلـب آلله عوضهـآ ..

[سـحـآيب]

السلآم عليكم ورحمة الله وبركآتهٌ ..




لاصار مقصود الصداقه على شـي
اشطب عليها واطلـب الله عوضهـا
ابعد عن اللاهوب وزبن على الفـي
هذي نصيحـه واللبيـب يحفظهـا
مايرجع الميت ولـو يبكـي الحـي
واهل المرض لابد يطلـع مرضهـا
صداقه الاهـداف ماهيـب تبطـي
ولا تنفعـك لـو بالوفـا تعترظهـا
ميثاقها من شـان ناخـذ وتعطـي
ون وقف المشـروع كـل رفظهـا
مثل السراب اللي من البعد كالمـي
من طردته كم مـن نفـوس قبظهـا
ان كان ماجات الصداقه كما الظـي
علـى نقاهـا ماتفاخـت بعظـهـا
ماهي تسير شـوي وتدقـر شـوي
ولا تضيع اليـا تحقـق غرضهـا
ولا يغطـي حسنهـا جوهـر سـي
وليـا انتهظهـا ذاك هـذا نهضهـا
ودليٌها تظرب علـى الجـم برشـي
فالمرتفـع ماعايـنـت منخفظـهـا
ماهيـب تقبـل بالمطامـع وتقفـي
ومـانـةٍ فتـالـهـا مانقـظـهـا
تصيب بعضات الهقـاوي وتخطـي
ميـر التجـارب مستمـر وعظهـا
وصداقتن في قدرهـا ناجـح ونـي
امـا تفلهـا ذاك هــذا لفظـهـا
وسلوكهـا ماتقـدر الشـد والطـي
ربضة ردا تحسب على من ربظهـا
فيهـا نفاق.وغش.ومخادع.وغـي.
صداقتن حـب المخـادع فرظهـا
وقت الرخى ينشدك. تامر على شي؟
ووقت الشدايد منـك كفـه نفظهـا!





الشاعر /محسن بن فالح الدوسريٌ ..