فلاح العبسي / ساحة الشعّار !

[ربيبة تميم]

الشاعر / فلاح بن طارق العبسي .


,

الا يا ساحة الشعّار قومـي وانفظـي يدّيـك=من أشباه القصيد اللي جمعهـا واطـيٍ ثرثـار
مدامه بايقٍ أصلـه وعـاش الجـوّ بالتكتيـك=وغيّر لهجته ، والثّوب، وعقالـه يميـل أمـرار
لزوم انّه يعرف انّ الشعر مـا فـارق مْوانيـك=وكلٍّ عارفٍ أصله وكل شخصٍ ولـه مقـدار
ترى لون الذّهب لو هو عديم الفايـده يغريـك=مثل بنت الهوى تغري وهي في الاصل أصل العار
واذا كان الزّمن حلل على واطيه أن يسقيـك=مرورةْ بوحه و علقم تصنّع شخصـه الغـدّار
جيوشي لك غدت فدوه، كتايبها رضا تفديك=أسوق القاف تلو القاف وطْفّي نارهـم بالنـار
على شانك وجوه العتمه اللي حاولت تسبيـك=بوقّفها وبحرقها ولكن بعـد قولـةْ ((صـار))
إذا احرقْتهـم وتْحوّلـوا لرْمـاد فـي يديـك=تباهي وانفظي يدّيك، تلقـي سيفـي البتّـار

صوتيّه ..

http://www.youtube.com/watch?v=BC2_kpLr61c