السلام عليكم ورحمة الله وبركاته
بعد غيبه عن المنتدى رجعت بـ ابيات للتواصل ,
.
.
.
تخيب الظنون ومابقى بالرجا باقي
سهرت وغفى حلمي على وسادة الاقدار
الا ياحمام الدار ارسل له اشواقي
ووصه على وصلي الا يا حمام الدار
تعبت اكتم الاشواق في داخل اعماقي
ابي لي امل واحد وحافز للاستمرار
اشوف الحزن خلاني برجوة الساقي
ضميته محبه وارتويته جفا واعذار
صحيح الصبر لأهل الهوى يعتبر واقي
من الياس والغربه وحالات الاستنفار
اسافر مع الذكرى واقلـّب بـ أوراقي
واسلّي شعوري والحزن ماعليه غبار
الا يالهوى الغربي ليا هلـّت احداقي
تهب بدياره لين يعرف وش الي صار
حبيب ٍ مقيضه بين ضلعي ومعلاقي
حفظته مثل حفظي لـ ضيفي وسابع جار
نسى طيب قلبه يوم جا يطلب افراقي
وانا الي عليه احن واشتاق له واغار
عسى الله يسامحني اذا زادت اشواقي
غصون الشجر تشتاق للطير مهما طار
13-02-2011, 02:27 AM
العرض الشجري