احترت شنو احط عنوان لها القصيده بس دشوا وشوفوها أحسن

[المفاوض]

كثر الأسى في عين مجروح الاحباب ::: كثر التناهيد القويه بصدري

كثر اشتياق الناس للنور لا غاب ::: كثر انتضار الطيف لاراح بدري

كثر احتمال الجرح لبطى وما طاب ::: كثر الهوى في القلب لاقام يجري

كثر السحر في العين لاصار جذاب ::: كثر الخطا لبديت انا فيه عذري

كثر الهجر لارحت ادور له اسباب ::: كثر السهر في الليل لاصار يغري

كثر الحبيب اليا غدا بحزب الاجناب :::: يوم ٍ يبيع ويوم ياتيك يشري

والله احبك لو شعر عارضي شاب ::: حتى ولو تسألني اقول مدري

بس المهم اني من الشوق منصاب ::: وحتى القلم يشكي على حروف سطري

خليتني هايم وضايع ومرتاب ::: اساهر النجمات والليل يسري

ركزت في صدري من الضيم مخلاب ::: مخلاب حر ٍ لاجرح كيف يبري ؟

مرسول حبي واقف ٍ لك على الباب ::: والمشكله واثق بحبك وتدري

الشمع ولّع وانطفا النور ثم ذاب ::: شكّكتني يانور عيني بقدري

السالفه متعدّيه حد الاعجاب ::: والحب لابأمرك ولاهو بأمري

في شارع الصدفه نجي مثل الاغراب ::: ورعشة شفايف لونها صار جمري

احباب رغم اللي يقولون احباب ::: واقل حاجه ليتك تحب كثري

بيني وبينك فاتح ٍ للهوى باب ::: اساهرك حتى بزغ خيط فجري

عذبه وصوفك والحلا منك ينساب ::: قليله بحقك لو اقول عمري

بقولك شغله تذكّرك لو حاب ::: رقم المحبه فيك ينّعد حصري



للشاعر : حمد المسرع