أخـتـرت مـن جمله قصيدي شطر بيت ~~~ ما جـارت الـفـرقـا عـلـى غـيـر أهلها

[الفريض]

سـريـت لأطـراف الـمـديـنه ومريت
مــنــازلٍ مــا يــنــدرا مــن نــزلـهـا

ما عاد من سـكان أهـلـهـا ولا بيت
صبغت مـبـانـيـهـا و كـثـرت حـللـها

تغيرت من عـقـب ما غبت و أبطيت
لاذي بـشـوارعـهـا ولا أولى بأهلها

يالـيت ربـي مـا كـتـب لـي ولا جـيـت
قطع النفوس من الـرجـاوي وأملها

أنا أحسب أن علمي بها تو وأخطيت
وش يردع أيام الـعـمـر دون اجـلـها

سنين من عـمـري قـضت ما توعيت
لـمـحـة بـصـر دفـع الـبلا ما أعجلها

قرب المشيب وشاب راسي وسجيت
أن الـســنـين تـدور و الـنـاس تـلـهـا

لـو أدري أن ذا بـيـحـصـل مـا تعنيت
أنـقض جـروحـي ولا اداوي عـللـهـا

كم مـره لاهـزنـي الشوق ما أمسيت
لـيـن أتـمــثـنـاهــا و أبــاري فـلـلـهـا

لعيون من سـاقت عـلـي وتـقـهـويـت
فـنـجـال و لـه و سـاقـتـه كـف ولـهـا

مـنـوة خـفـوق مـزعـتـه الـتـنـاهـيـت
اللي أنـتـولـه الـشـوق وإلا أنـتـولها

حفظتها مّن الـحـكي و الـشـمـامـيـت
و مـن كـلـمـه يـفـرح بـها اللي نقلها

لو ما قـبلها الـقـلـب مـا كـان حـبـيت
و لولا نـزاهـة عـرضـهـا مـا قـبـلـها

هي درايه ويش الـسـبب يـوم قـفـيـت
ذا عــوقــهــا وإلا وش اللـي قـتـلـهـا

تقطعت سـبـل الـمـواصـل و ضـحـيـت
وأزعـلــتـهـا و أنـا أتـجــنـب زعـلـهـا

بـغــيـت أدور لـي بــدلــهــا و عــيـيـت
لا أخـطـى عـلـى روحـي و أدور بدلها

أخـتـرت مـن جمله قصيدي شطر بيت
ما جـارت الـفـرقـا عـلـى غـيـر أهلها

تطري علي لا ضاق صدري و سجيت
أن الــسـنـيـن تـدور و الـنـاس تـلـهـا