مصافحه اولى,,حبيبي رغم غلطاتك

[عبدالله الشولاني]

السلام عليكم ورحمة الله وبركاته واتمنى ان تنال على بعض اعجابكم.


حبيبي رغم غلطاتك تراني للوفا ذاكر=
اعديها واقول انه بياتي يوم يتغيّر
عفيت وبان معروفي ولكن كنت له ناكر=
وصار القلب من صوبك حبيبي حيل متحيّر
حبيبي طالبك تكفى تنبّه لايجي باكر=
وتاتي لحضتن فيها يمّل القلب ويسيّر
واهدّك واهتوي خلّن يكون لحبنا فاكر=
يصيّر قلبي لحبه وانا له طبعا آصيّر
عرفت بجّوي الصافي ولكن جوّك العاكر=
تسيّد واظلم بجوّي وطفّى الجانب النيّر
جزاتي يومني مخلص لحبك وانت لي ماكر=
وجورك حطّم افوادي وقام لحبنا غيّر
صدمت الروح ياروحي وهي بك اول اتجاكر=
بك العالم؛وصرت انت الكبير وعالمي اصغيّر
حبيبي ضاقت الدنيا بعيني واحسبك فاكر=
خلاص ارحل ولاشوفك؛مدامك صرت متغيّر=

http://www.youtube.com/watch?v=R65DS7AlwUM