السلام عليكم ورحمة الله وبركاته
اضع بين اياديكم الكريمه هذه الابيات علها تحوز على رضاكم واستحسانكم
من يعين القلب في حزه كدر
مطلبي .. منهو يحقق مطلبي
أكثروا الانذال و الطيب ندر
و الذكي كذاب .. و الصادق غبي
والقرار الحق فيهم ما صدر
ودك ان أهل الردا تلبس عبي
والمراجل بابها وسع الصدر
يا وساع الصدر غني و اطربي
و الشجاعه و الكرم ساس الجدر
و الردي من دون ماقلت يهبي
و الشنب لاطار ما ينقص قدر
المعزه لي ماهي لشنبي
و يا خويي و ان حصل دمعك حدر
والله اني فزعتك في ما تبي
بعكس الموضوع يا وجه البدر
يا عيون الحر يا عنق الضبي
ما تشوف الدم من زينك هدر
و البلا كن الخصر مسبي سبي
صبلي شاهيك لامنه خدر
و يا عروق القلب بلي أشربي
الجسم فتان و الخده بدر
يا صلاة الله على وجه النبي
وسلامتكم جميع
12-05-2011, 07:37 AM
العرض الشجري