الحب ماهو بس شده وحرفين ,,, وكلمة بسيطه تنكتب بالسهوله
معناه سر ومشكله بين قلبين ,,, بسن الشباب او في سنين الطفوله
بدايته احيان من نظرة العين ,,, لو انها نظره سريعه عجوله
من بعدها يبدا انقلاب الموازين ,,, واللي عشق يبدى يحس بميوله
تسهر عيونه و يتعذب بنارين ,,, نار الغرام ونار الاشواق حوله
وانا عرفت الحب من عام الالفين ,,, واخذت لي بالحب صوله وجوله
واخذت درس الهم والغبن والبين ,,, ومترت درب الحزن عرضه وطوله
راحت مثل ماجت عنود المزايين ,,, ولا فادني عقلن تردى حلوله
والحب يبقى في عروق وشرايين ,,, والا الزعل مافاد نفسن زعوله
اردد اسمه واوصفه كامل الزين ,,, وموتي ليا عرفت بالناس زوله
احن له واشتاق له واعرفه زين ,,, واسمه علي لساني ولا اقدر اقوله
وسلامتكم
12-06-2011, 02:30 PM
العرض الشجري