الزمان دوار
أقول فيها
الزمان يا مكثر غرابيله =يدور رحى الأيام والفلك دوار
والأنسان يسعى في مضاميره =كل يوم يأخذ من الدنيا مشوار
يروح وما همه وشهي مخاسيره =كنه في خلقته غريب الأطوار
مهما يقول ماحد(ن) يقبل معاذيره =كود بعض العرب الأخيار
هذا مجال الوقت وتصاريفه =ما ينفع مع الوقت كود الإصرار
كل ما نحسب للوقت وتكاليفه =نلقى ما فيه شئ كود الأمرار
الطير لمن جاء في مشاريقه =عابر(ن) من بعيدات الديار
والماء يأتي من مواريده = يسقي من الناس مليون مليار
والبلد يا مكثر أجاويده =والي مات له داخل القلب تذكار
والربيع لمن شفنا نواويره =تأكل الأنعام فيه بعيار
هذي من طبيعه الخلق مصاديره =قسمة العبد كل شئ بمقدار
الي تعلم من الوقت وتجاريبه =يصبح كما طير على وطار
والخير لمن جاتنا تباشيره =تصبح الدنيا في وضع ما صار
ومن صوب وصابت تصاويبه =يصبح من أهل الجنه يا بعده من النار
ومن مشى مع النبي ومناصيره =ما مشى مع أهل الشرك والكفار
والبيت العامر بالناس ومسايره =من خيرة الناس الطيبين الأخيار
والقلب بما يحمل في مضامينه =يصبح في ذا الوقت حاير ومحتار
ومن جاء كتابه في ميامينه =يصبح مع أهل الخير الأخيار
وسلامتكم
الشاعر /راشد محمد راشد بن دنفس العرجاني
28-06-2011, 11:35 PM
العرض الشجري