يالله يـا جـال الأمــور المهمــة
للشـاعــر / بندر بن سـرور
ـــــــــــــــــــــــــــــــــ
يالله يـا جـال الأمــور المهمــة = تجلا وهـج قلـب برا حـال راعيـة
البـر دجتـه والبحـر رحـت يمـه = يقطعـك يا حـظ على الله مساعيـه
يوم أن ولد اللاش رزقـه على أمـه = رزقي على اللي ميت القشـع يحييـه
يامـل قلـب كـل مـا مـات همـه = دارت دواليـب الدهـر ليـن تحييـه
فـراق شمـل النـاس عيـا يلمــه = وقت يشيـب الراس من شايـه فيـه
أحـد ينـام وحـط راسـه بكمــه = واحد تخـم النـوم عينـه وتخطيـه
واحد يحـاول بالـردى بنـت عمـه = واحد يحاول ستـر عـذراء عوانيـه
مـانـي وأنـا بنـدر ببيـاع دمـه = يقطعـك يـا بيـاع دمـه ومهفيـه
اللـي يبيــع لابســات الازمــه = ثور يبـا بيـض الرعابيـب تغنيـه
يزعل ليا جـت ليلـة الـدور يمـه = يرضى بسـوق المال فخـوه وفابيـه
خطـو البخيـل اللـي يكبـر معمـه = يقـرأ الكتـاب وواجـب الله يخليـه
أمـر هـرج لك فـي رفيقـه بنمـه = والا عطـا وأمـه تضيـع هقـاويـه
أنشـدك ياللـي كـل فـرض تتمـه = تقـرا الكتـاب وكل فـرض تصليـه
ويش القليـب اللـي غميـق مجمـه = ما فاد غرسه مـاه عطشـى سوانيـه
تخـالـف الانظـار شــرق ويمـه = وكل هدف رايه من النـاس مرضيـه
سم السبـب يا عـارف عنـه سمعـه = سم السبـب يا عارفـة قبـل اسميـه
صح لسان الشاعر / بندر بن سرور العتيبي
و سلامتكم
ـــــــــــــــــــــــــــــــــــــــ
العرض الشجري