السلام عليكم
و مسيكم بالخير و الرضا
..
جيت أتواصل معكم
..
الضيقه اللي لها عامين تاتيني ..
يا كيف أخفف على نفسي و أفارقها !!
من سبة اللي مولعني و مشقيني ..
خشف ٍ ملك دنيتي و الروح حارقها !!
ترى المحبه تزايد ( لو يجافيني ) ..
لا يحسب إن الجفا نكّس بيارقها !!
و ترى طيوفه وفيّه ما تخليني ..
و له صورة ٍ في خيالي لاح بارقها !!
أنا ( أحبه ) و حبه بين ٍ فيني ..
و بين على دنيتي وشلون سارقها !!
غيّر ملامح حياتي بيني و بيني ..
إلين غرّب عيوني عن مشارقها !!
والله و أنا والله إن الحب معميني ..
لأعيش ( أحبه ) و عيني ما يفارقها !!
..
و سلامة قلوبكم
06-07-2011, 04:08 PM
العرض الشجري