الغالي اللي غاب مذكـور بالخيـر

[الحوشان]

بسم الله الرحمن الرحيم ...

السلام عليكم ورحمة الله وبركاته ..

هذي اول مشاركه لي معكم اقدم لكم من قصائدي واتمنا ان تحوز على رضاااكم ،،،


**

يا هاجسي عبّر من الشعـر تعبيـر
وأختار من جزل المعانـي معانـي**

من شاعر(ن) شعره مميز عن الغير
ما هوب في حاجة فـلان الفلانـي**

عنده أحاسيس ومشاعـر وتفكيـر
ما هوب في حبك القصيـده أنانـي**

البارحه موقف وفرقـى وتصويـر
ثـلاث بكنـي ولاحـد(ن) بكانـي**

علمتهن بسلوب مـا فيـه تشفيـر
أبنـي ولكـن يهـدم(ن) المبانـي**

وشلون أعكس السير يا منظم السير
وأنا أتحـدى كـل قاصـي ودانـي**

شجاع خلقه وأشهـدي يالمقاديـر
أو بالأصح أشهد علي يـا زمانـي**

الغالي اللي غاب مذكـور بالخيـر
اللي مـن غيابـه فـؤادي يعانـي**

اللي عشانه ما حسبـت المخاسيـر
من كثر ما أحبـه عطيتـه مكانـي**

لو يعتـذر منـي قبلـت المعاذيـر
المـوت والله كـان قلبـه نسانـي**

هب الهبوب وقلت صدمـه وتأثيـر
صح الله لسان القصيـد ولسانـي