مصافحة اولى .. ( صحبتك مابها خير )

[بندر الفدغوش]

السلام عليكم ورحمة الله وبركاته ..

حبيت اشاركم في الصرح الشامخ بقصيدة

واتمنى ان اكون شخص مرحب به بينكم ..



يا صاحبي ما جاك مني مخاسير
......... وحق العتب مابين خل وخليله



اشره على اللي وافي ٍ بالمشاوير
......... والا الردي مافاد فيه الجميله



والا الوفي تلقى ربوعه طوابير
......... والناس تتعب لاجل تلقى مثيله



قد قالها راكان سبع المناعير
.........( هذا رفيق ٍ ما ندور بديله )



جيتك مع الاخلاص فعل الاباطير
......... وكنت احسبك رجال فعله دليله



اشره عليك وصحبتك ما بها خير
......... دامك طلبت البعد باية وسيلة



وتسمع كلام اللي يقوله طراطير
......... فالبعد عنك بعتبرها فضيلة



رح للذي يعطيك كذب التباشير
......... والا انا ما جيت غدر ٍ وحيله


اخوكم /

بندر الفدغوش