أنا على خبرك كما ريحة العود /اذا احترق بالنار يزداد طيبه

[عبرة وداع]

خااااااص للغاليين


العيد عليكم مبارك ومن العايدين الفايزين

تقبل الله منا ومنكم صالح الاعمال



فرحتي بالعيد اطريك
عيدكم بالخير ينعاد
لا تظن القلب ناسيك
لو تزيد الناس اعداد
ما اقول الورد اهديك
بس لك شوق يزداد
في الختام الله يخليك
وكل عام وانت بخير




زان القصيد وقلت اهنيك بالعيد
حيث ان مثلك بالمواجيب وافي
العيد له فرحه عسى عيدك سعيد
وانا فرح عيدي بك اليوم ضافي
لاجيت اهني مثل شرواك بالعيد
عيدي غدا عيدين دون اختلافي



يا هاتفي بلغ من القلب مرسال
واصدق نعاني الود واغلا هديه
للي لهم في خاطري طيب منزال
بالعيد عايدهم وهاذي تحيه
سلام احلا من شذى البن بدلال
واطيب من الريحان والنرجسيه


يا خلايا الفكر من سبع البحور
انتقي زين المعاني والكلام
رفرفي مثل النحل بين الزهور
واقطفي مليار ورده بالتمام
اجمعي صافي عسلها والعطور
جعل ربي يسعدك في كل عام
سطري له بالغلا فوق السطور
عاد عيدك بالهنا في كل عام



عيدك مبارك صاحبي وين ما كنت
يزف لك نبض الخفوق التهاني
عيدك مبارك كثر مابي تمكنت
وكثر الغلا اللي بالضلوع المحاني



عيدكم مبارك ابرمجها
بقطرات الماس اكتبها
وبعود المسك اطيبها
وبخيط الحب انسجها
وبكا الشوق اختمها
ولأعز الناس ارسلها



ياهاتفي زف الفرح والتباشير
من خاطر يحمل جزيل السلامي
للي لهم بالقلب حشمة وتقدير
اعداد من زار الحرم والمقامي
بالعيد اهنيكم عسى عيدكم خير
تقبل الله سعيكم والصيامي
وارجوا قبول التهنئه والتعابير
قبل انعدام التغطيه بالزحامي




وختامها مسك



لو غبت يا كف الوفاء ما نسينا
وقدرك مهو عندي اساطير وحروف

لو انسجمنا بوقتنا والتهينا
تبقى عزيز وعنك ما يقصر الشوف

ذكر الذي شرواك واجب علينا
مهما الزمن يفرض معاناة وظروف