..لامن نويت الموادع لاتواعدني ..

[الفريض]

أبلع خطاياك ... والشيمات تردعني
والله لولا الشيم ماتضحك ايامك


يخدعك غيري وترجع لي وتخدعني
متوهم ..! وغرتك في خلك اوهامك


من يوم شفتك تواصلني .. وتقطعني
وأنا ادري انَ المفارق رمته .. ورامك


كنت أحسب ان المجامل معك ينفعني
واثر المجامل .. سمح لك تصنع أفلامك


لين امتلا صدري امن الضيق وأوجعني
وسمعت صدري ينوح وينكس أعلامك


ماعادني بسامعك وأبيك تسمعني
كانك تلوم ..! اسمع اللي مابعد لامك


مابيننا منتهي ... ولا تراجعني
من غيرك.. خله يحقق لك أحلامك


ولامن نويت الموادع .. لا توادعني
ما ودي اذرف دموع العين قدامك