يكفي البشر

[مناف بن غضيف]

بس يازمن يكفي البشر كف شرك=كم عام مر وغايتك فعل الاجرام
كنت احسب ان ضر الخلايق يضرك=واثرك تضر الخلق في كل الاعوام
اصبحت مقطع كل من جا يفرك=ويعيد احداث المواجع والالام
وثيقتك وحده ببحرك وبرك=وما فاد في تغييرك خطوط الاقلام
لو يختلف وجهك مقرك مقرك=مهما تعشم فيك بانين الاحلام
خل العرب تدري بمكنون سرك=واكشف لهم وش تالية طرد الاوهام
القول دون الفعل ماهو يحرك=ماله نتيجه دام تحريكه افلام
الصدق ويا الجد لله درك=عادت رسول الله في ركز الاعلام
القدس حاله يازمن مايغرك=ولا يغرك كيف تاريخه انضام
الخير نوره لازم يكف شرك=على يد اهل الخير ويزول الاجرام