اعجبتني للشاعر فـهـد الشبـــلي
يامل قلبن تبيح ســده الخــافي
وقته تــبدل بوقتن ماتــدرب له
الوقت لوزان مايبــطي وهو صــافي
يقوله اللي عــرف وقته وحسبله
اخترت رجلن عليه اســند القــافي
مبطي وانا ودي اجاريه واكتبله
لنه اديب وحكــيم وعنده انــصافي
لاجا بمجلس فــرحت وقمت اقربله
ابيات الأشعار تعــسف عنده اعــسافي
مبدع بنظم القصــيد وماسكن حــبله
علوم الرياجــيل عنده لنه اســنافي
ابوصعب استمع هــرجه واراقــبله
ياجاسر القــلب لامن شاف ماعــافي
صديت به واتجــهت ليــمة الجــبله
صليتلي ركعتــين وقلت ياكــافي
وشلي بناســن بتال الوقت منهــبله
كم مجلسن جيــتله ثم قمت متــعافي
وكم مجلسن قمــت منه الكبد منــدبله
بعض الرياجــيل وافي منجبه وافــي
وبعض الرياجيل لا لــوقه ولا قــبله
لاجا المسولف يسولف قاله كــافي
خرب مجال السوالف قام ينــشبله
ماتقل مرت عليه اسلوم واعــرافي
ومن دش في داخلالمجلس تزهــبله
سوالفن مالها مضمون واهــدافي
سند بها واحدن مســفوه يم ابله
وسط المجالس يــدوج ويهرف اهــرافي
والياتكلم كــلامه مايرتــبله
ويالله تستر علينا بســترك الــضافي
وامرك ليا صار لابــعده ولا قبله
( فـهـد مـحـمد الـشـبــلي )
21-10-2011, 11:14 AM
العرض الشجري