خيره ..!

[خالد بن رمثان]

السلام عليكم ، و صبحكم الله بالخير و الرضى ..

أعتذر عن الإنقطاع الغير مقصود و أتمنى إن الجميع بخير و صحه و عافيه ..

و تفضلوا


العام يومك رحت كنت آتحراك
و الحين لو بتروح بآقول : خيره

لا تحسب إن ما فيه مثلك و شرواك
شرواك واجد و الأوادم كثيره

غرك قصيدي بك و غرتْك دنياك
ما تدري إن أيام عمرك قصيره

أتخيلك و ألقاك و أكتبك و أقراك
يا أول قصيده قلتها و الأخيره

سلمت لك قلبي هديه بيمناك
في ساعةٍ غيرك قدر يستثيره

و عيشته بجورك و هجرك و فرقاك
إلين ضاع و ما تحدد مصيره

يا هيه رجّع قلبي ، الله يبلاك
في حب منهو ما درابك ضميره

و يا رب عوضني بخل ٍ بدل ذاك
خلٍ همومه ، كيف يرضي عشيره

اللي ليامن جيت له قال : حياك
و إن رحت منه قال : ما أحب غيره

و ألا أنت ياللي كان ما فيه شرواك
فارق ترى فرقاك خيرٍ و خيره

..

و سلامة قلوبكم