داجـن بصـدري بنـات الفكـر حطّابـه
تـشعم لهيـب الولـه مع باقـي أحلامـي
واستـرسـلن بالحشـا دوجـه وخبّـابـه
لين القصيـده غدت نزفن من أقلامـي
الخاطـر من اولـى مشرّع لي ابوابـه
واليـوم كنّـه سجيـن ابحكـم ظـلاّمـي
أول بـلاوي خفـوقـي فقـدت أحبـابـه
شـوفـة وفـيٍّ بـقايـا جلد وعظـامـي
حال الكفـن بينـي وبينـه وغطّى به
في ساعتـن ما نفعني عظة ابهامي
واللي عطيتـه يميني هـاز مشعابـه
ارفى بجرحه وانا جرحي غدا دامي
و سـمّ الفتى لا غدا شرّه من اقرابـه
وش حيلتي لاارتخى من جنبي احزامي
وآخـر خفايـا ضميـري بان بأسبابـه
حب الولايف غزا قلبي من أعوامي
وقتـن سقانـا هماجـه شيـن مشرابـه
وما لـوم بيـر الهنـا ورّادها ظامـي
وسلامتكم
27-01-2012, 12:20 AM
العرض الشجري