- يآ كثر حسٌـاد آلمواليف كثرآه - new

[محمد العزام]

السلام عليكم و رحمة الله ..
مساكم : صباحكم خير و رضا للرحمن

بعد غيـاب الله أعلم بأسبابه ..

أجدد لكم
التواصل و الود بهذا النص ..

مدخل :-

المفارق مرٌني و آنا حزين..= قال : خلٌه . قلت له : مـالك لوى
خافقي لا صد عنٌه ساعتين ..=ردٌ له مخنوق / محتاج لـ ( هوى )

النص :-

أيامنا ما تقبل العذر و الجاه = و أحلامنا ,, من ضيقها عاتبتني
مآ أحب أقول : إني بضيق و معاناه= حتى و لو حمل العمر هدٌ متني
إتغنٌي إجروحي على الحزن و الاه= و أسمع لها ,, لكنٌها مـا أطربتني ؟
قلبي كريم و ما بقى من بقاياه = طيٌب .. و لكن طيبته ضيٌعتني
يا كثر حسُاد المواليف كثرآه = و يا كثر ما عند العرب عذربتني ..
لكن على قول المثل : جاه ما جاه ..= دامي بخير و دنيتي معجبتني ..
سلام / للي كل ما فيني إفداه = سلام / للي نور وجهه بهتني ,
في وقتنا يا قلٌ مثله و شرواه .. = محبٌته لـ أبعد مدى وصـٌلتني ..
لبـيه / يا اللي كل عرقً و مجراه ..= يفزٌ لكفوفه ليا صافحتني
كيف آتهنٌـا فيه ؟ و آعيش ويٌـاه = و انا اظروفي و السلوم إمنعتني
جعل المزون تمرٌ داره و مرباه ..= تسقي الدروب / اللي معاه إجمعتني

..


مخرج :-

قال : تدري وش مصير العاشقين ؟ = راجع التاريخ و إقرا ما حوى
قلت له : ما همٌني حكم السنين ..= و القلوب السود / ملعونة ثوى

اخيكم : محمد العزٌام