صحيح الوقت متغيّر وامسك ماهو مثل اليوم وصحيح الخلق من بينه اوادم حيـل مبليـه
مساحات العناء تكبر مدام الحر يهاب البـوم بوقت ٍ فيه يالنشمي علـوم الطيـب منسيـه
كريم القوم يتشّره إذا طالع علـى المحـروم ياكيف ان الغني جايع وضايـع دون حريـه
إذا عمره على الستين ويالله ينتهض ويقـوم وماله في حساب البنـك وقـود ٍ للحراميـه
حرم اولاده بدنياه واصبـح مستقـر همـوم يحرس المال متبهذل يعيـش لجمـع ربيـه
يموت ولا اهتنى بدنياه ولايكثر عليه اللـوم عياله تسعد بموته تعيـش احـلام ورديـه
يازين الماضي اللي راح ياليته مااندثر ويدوم تشوف الناس مبسوطه يازين الصدق بالنيـه
نجامل بعضنا عاده ووقت الجد تبين علـوم ومهما يكذب الإنسان علومه غيـر مخفيـه
ياليت ان الردي تكفى عليه بهالزمان ووسوم لأجل الخلق تتجنّب حقيقـه راعـي السيّـه
زمانك يارجل هذا رفع سفلـه ورز رخـوم ولكن خصرها افضل تموت بجحرها الحيّـه
تقديري للجميع ,,,,,
09-02-2012, 07:47 AM
العرض الشجري