يضيق صدري كلما هبت عليّ من الجنوب
قسايم(ن)ماملت طعوني وقلبي ملها
وارقى على مرقاب حزني واتحرى للغروب
وامسك جدايل هالحياه المدبره وافلها
وشلون الليالي تدور في الوقت اللعوب
واجمع مسائل هالبشر في دفتري واحلها
والعن ابو الحظ الردي واستغفر المولى واتوب
واقول يالله انك تعين اللي صبر ثم شلها
ياخوي قرب لي مادام الوقت والعمر محسوب
واسمع ابيات من جوفي نويت اتلها
لاصارت الدعوى مابين ضلوع صدري والهبوب
بقولها واللي عقد روس الحبال يحلها
وش عاد نرجي من زمن صارت به اكبار الذنوب
انك على الباطل سيوف الحق تنوي سلها
يالله سترك من علوم في خواطرنا تجوب
رحمتك يالله سهلها علينا دفها مع جلها
ياخوي خذها من نمط حكي (ن)على لسان القلوب**
اربع نصايح لحياتك ياعسى توصلها
المرجله هي البلد وافعال يمناك الدروب**
والادمي يولد غريب ولانسنع دلها
والكايده تبغي ولد ماهوب طماع وكذوب
والرابح اللي نفسه لربه قدر يذلها
وترى الكرم عند العرب يغطي آلاف العيوب**
وان البخيل يساوي عيوب العرب ذي كلها
واحذر تحسب ان كل بير بدنيتك بها مشروب
واذا تجاهلت العواذل بتموت بغلها
**
وسلامتكم،،،
اتمنى ان تحوز على رضاكم
،،،
13-02-2012, 12:40 AM
العرض الشجري