مآ عاآد لمشاعرناآ كلام
غيبي فمان الدمع ماعاد لمشاعرنا كلام
ـــــــــــــــ في غيبتك حتى الشجاع يهزه الشوق ويـ لين
ماهي جديده والحزن دايم على صدري ينام
ــــــــ حتى ذبل غصني وجف الدمع من كثر الحنين
الله معك "يامسافره "غيبي عن العين بسلام
ــــــــــــــ وخذي بقايا ذكرياتي لا عزمتي تبعدين
شاءت مواعيد الزمن تبقى نهايتنا الختام
ــــــــــــــ ويموت حلم وصالنا على ضفاف الغايبين
أحباب دايم نلتقي نرحل ورى حدود الغمام
ــــــــــ وأغراب مانلمح من الدنيا سوى وجه ٍ حزين
فضلّتي العزله وعشتي ماتحبين الزحام
ــــــــــ خارج عن السرب بحياتك بالجروح تغرّدين
عينك مدينه من حزن بأهدابها طاب المقام
ــــــــــــــــ تشبه تفاصيل الضحايا في بلاد الرافدين
كنتي كئيبه ومنهكه ودنياك يلبسها الظلام
ـــــــــــ تطوين بدروب الهجير الحزن وأنتي ماتبين
ويمر عام بغيبتك وأنتي معي في كل عام
ــــــــــ بس ألمحك طيف ٍ أشوفه في وجيه العابرين
قولولها" تمضي برحلتها "عن عيون الأنام
ـــــــــ وتترك وراها ذكريات الأمس "وأوجاع السنين"
غيبي فمان الدمع ماعاد لمشاعرنا كلام
ـــــــ في غيبتك حتى الشجاع يهزه الشوق ويلين
16-02-2012, 07:53 PM
العرض الشجري