.
لك أنت وحدك يابعـد كـل دنيـاي
يااعز من بالكـون يطـري عليّـه
لامن ذكرتك جيت كلي من أقصـاي
فرحت بك فرحـة خـوي بْخويّـه
عزفت جرحي نزف وضلوعي الناي
ولحنتها مسحوب وجـت سامريـه
خذها هديه وانت أجمـل هدايـاي
ياللي بعيني صـرت أغـلا هديـه
ياكل فكري . ياخيالي . ورجـواي
بك فتنة العاشـق وبـك نرجسيـه
لو غبت عني ماتناسيـت مبـداي
وشلون أبنسى عهودنا الاوليّـه ؟
أموت بك مـادام تحيـاء بلامـاي
وأضيـع بـك وأقـول دوّر عليّـه
على كثر ماشافت النـاس عينـاي
مثلك فـلا شافـت عيونـي حليّـه
ياحبـي الاول وشوقـي ونجـواي
لك المحبـه . والغـلا . مقدريّـه
أنت الحبيب اللي يسافر برجـواي
مافيـه غيـرك يستحـق العطيّـه
يانبض قلبي . ياحنيني . وذكـراي
لـك المشاعـر والقصايـد هديـه
ياعمري اللي راح ياعمري الجـاي
عمـري بدونـك ليلـةٍ سرمديـه
يافرحة أيامي 00 وضحكة محياياي
حبـك ملكنـي وأحتوانـي بغـيّـه
يافارس أحلامي وشعري ومعنـاي
يفداك عمـري والحيـاه الشقيـه
14-03-2012, 01:02 PM
شبيه اللول .فارس أحلامي 00 ....
العرض الشجري