قصيدة تفاكير

[محمد ضرمان الشولاني]

صبحكم ومساكم الله بالخير جميعاً

اعتذر عن طول الغياب لظروف حرمتني التواصل معكم فانتم نخب اتشرف بالتواصل معها




هذه قصيدة احببت ان اشارك بها في هذا الصرح الشامخ والعزيز علي بعد طول الغياب

همن توطا خافقي حزة عصير=من لاهجن وسط الضماير سبيله
ينعاد للماضي علينا تفاكير=وتطوى صحايف بالفاعيل ثقيله
يوم المراجل نار ما تبغي الكير=مشتعلتن باعلام قومن اصيله
واليوم منفاخ الردى فيهم يثير=رمادتن تكثح بوجه الفضيله
شانت نواياهم على غير تبرير=وذابت معاني الصدق في وسط غيله
وصارت نفوس الناس مثل القوارير=تملا من افواه الحسد والنقيله
والشارب الي دسمه مخلب الطير=يدسم ولا تذكَر فعول الجميله
وقفات من نكرانها جفت البير=وقضابة ارشاها فلسها تشيله
الا قليلن بالبشر فيهم الخير=فصيلتن يا طيبها من فصيله
تضرب فجوج القاع ما تخطي السير=محشومتن من شين درب الرذيله
يا بعد فرق الحر من رزة الجير=الشكل فارق والفعايل دليله
احدن فعوله تشرح الصدر واتجير=من علتن وسط الضماير عليله
واحدن فعوله تمرض الحال واتصير=مثل الجبل حمله يزيد الحصيله
طبن تطبب له وطبن بعاثير=وطبن تطبابه يشب الفتيله
ويالله ياللي مرسل الرسل تذكير=وياحامين بيته من أشرم وفيله
تصلح امورن اهلكتها المعاذير=وراعي الردى يا رب عجل رحيله

وسلامتكم،،،