ياعين جودي بالبكاء لا تشحين
فقدك لإخو هدلاء وفيصل غبينه
لا والله اقفو روس روس السلاطين
موجٍ يحكم في مسار السفينه
فيصل مطاميعه يحرر فلسطين
وحال القدر يا عين بينك وبينه
وصدام إخو هدلا صعوط المجانين
خطط ولاكنه غدر به عوينه
و اليوم شرذمة اليهود متقاوين
......... .... ......................
الله واكبر عقب مـا هم ذليلين
اليوم صرنا رهن إشارة إيدينه
قد قالها الخطاب طلق الحجاجين
قال الحقيقه للعقول الفطينه
حنئ بدين الي خالقنا عزيزين
واللي يبا العزه بغيره يهينه
يا جيشنا اللي حيرتك القوانين
ترا تخاطيط الليالي دفينه
صف السرايا يا عقيد الميانين
وارفع بــ إعازنٍ تخترش سامعينه
وتاتي لك جيوشٍ علئ العز رابين
تدفع لحوض الموت روحٍ ثمينه
شجعان فرسانن صناديد صاطين
كلٍ تحيزم والـمـهـنـد يمينه
إلهم إفعولٍ تودع الصف صفين
ونهج الصحابة كلنا خابرينه
علئ بنات الريح مدعوجة العين
غرٍ النواصي مخلفات الظنينه
اليا أقبلت برقٍ يهيب الشياطين
وتقفي ورمش العين مـا ضف عينه
ولمع السيوف المرهفه فالميادين
لا شافها المرتاب تسمع ونينه
وابشر بنصر اللـه والنصر للدين
يوم العرب حلت علاه السكينه
يا أمتي من وين ولا علئ وين
النور واضح والبشر عارفينه
هاذي مجاهيم النويا معافين
تبرك علئ قلب الشجاع وتهينه
وأني ليا هبت رياح العشيين
تجتاحني موجة شموخ وغبينه
يا راعي الاخبار دوك عناوين*
الحبر واحد والورق قاسمينه
صارت سوا في عيني الزين والشين
وعد الروا مـا يرتوي شاربينه
وسلامتكم.
06-05-2012, 01:10 AM
العرض الشجري