الــشــــــام

[عبدالله الشولاني]

قالو علام سهيل مايكتب ابيات=والشام يذبح كل يومن وليله
قلت العذر وش فايدة ذا العبارات=دام الحكي ساوى كثيره قليله
في داخلي غبنه وبالعين دمعات=والكبد داخلها سوات المليله
ياسوريا ماغير ربّ السماوات=لاترتجين امن العروبه وسيله
وش ترتجين امن العرب والحكومات=مدام راس القوم نفسه ذليله
وان ليا من صار بالوضع صكّات=مابه ولاء لغير شيخ القبيله
والله لولا الزعزعه والنزاعات=وخوفي من الله لاتثور الفتيله
لنخى قبايل يام بالذات بالذات=وانخى الشيوخ اهل الوجيه الطويله
واصيح في نجران ياهل المروّات=ثورو بنا يكفي العروبه فشيله
تكفون ياصبيان همدان ثورات=ماعاد به صبرن ولابه بديله
قومو بنا نرجع زمان الفتوحات=الشام يدعي ياعرب من يجيله
يعيش راسن مارضي بالفشيلات=ولا الذليل ايموت من دون حيله
لاعشت ياراسن حيا دون غايات=دوك السمين وخلّ عنك الهزيله
تنخى بكم بالشام كل العفيفات=وش عاد باقي دون فل الجديله