اهديتها رمح الفراق اللي يضيع غيِدها

[البتآآر]

تغيب ولا ما تغيب الله يعين الصابرين

وذكرئ لياليك الجميله مستحيل أبيدها

تراء التكبر والتغطرس من صفات الظالمين

وظلم النفوس أشد من ظلم الكفوف بقيدها

الله كتب لي عزت نفوس العرب عبر السنين

ورث الشيوخ السائده ما أحّد إنخّلق لـ يسيدها

ولا العنود اليا طغت عشان طول ورمش عين

أهديتها رمح الفراق اللي يضيع غيِدها

تراء التوابع فـ الجوارح ما تصيد الا السمين

وتراء الهزيله ما تنومس للنداوي صيدها

والذيب لامنه صطا يصطي ولا يبغا عوين

في صيدته ذيب الخلاء ما يتعب بـ ترديدها

و لولا ملائكة الكتاب اللي يسار ومن يمين

كان الفرص لا جاتنا لو هي ذنوب نزيدها

ولولا مشاريه العرب ونفوس خلقٍ حاسدين

ما شفتني محتار ما بين السيوف وميدها

ما اقول من بعدها هالك ولا حتى حزين

اقول كثّر خيرها وفـ الدرس تسلم إيدها

وكل المكاتيب الشنيعه يا عساها ما تبين

واليا تبين شيء منها مستحيل أعيدها

قولو لـ سودان الوجيه اللي بها السم الدفين

والله لتبطي والزمن ما وقف لـ تمجيدها

يـا خافقي خذها نصيحه كنها الؤلؤ الثمين

نصيحتن قبل علومك لا يحضر عيدها

ما الله خلقنا للعبث الله خلقنا لأجل دين

جنب مشاريه الرجال ولا تخالف سيـدها