ياعين هلّي الدمع

[عبدالله الشولاني]

لسلام عليكم ورحمة الله وبركاته،اتمنى ان تنال على بعض اعجابكم.

ياعين هلّي الدمع تكفين ياعين =
في خاطري ابكي وافضفض لذاتي

فلا تحاتيني من الدمع تكفين =
مدام روحي مقبله للشتاتي

احسّ في قلبي طعون وسكاكين =
امخرّقته ولا بقى له حياتي

باسباب بنتن علقتني بيومين =
حتى غدت روحي وكل امنياتي

صارحتها بالحب ثم قلت تدرين =
بانّش غديتي يانويّر غناتي

قالت فديتك وين حبك وانا وين =
أنا كبيره وانت شفّك بناتي

ثم قلت كم قد لك من العمر وسنين =
متوقّعن في عمر اكبر خواتي

يعني على ماقيل بحدود خمسين =
او انقص شويّه ابعضّ سنواتي

قالت ياوجه الله ! ثلاثه وعشرين =
فلا تكبّرني وتكسب خطاتي

قلت ارحبي يابعد كل المحبين =
انشهد انش غايتي ياحياتي

ثم قلت وشرايش وقالت على وين =
قلت اتبعيني مالش الاّ الرضاتي

ثمّن دخلنا روم زوّاره اثنين =
لامشرفين ولا بعد مشرفاتي

ثمّن خذيت المايك ثم قلت تدرين =
قالت بويش وقلت لبّا غلاتي

قالت ياطرجيبي من اسلوبك الزين =
اللي يروّضني ويلقى رضاتي

وماعادني يسهيل متحمّله دين =
ابعترفلك واستمع مابياتي

قلت ابشري باللي تريدين ذلحين =
قولي ولاتخافين منهو سواتي

قالت احبك ،قلت ياحيّ ذا العين =
قالت اعشقك ، قلت حيّ الطراتي

قالت فلانه ؟ قلت كنتي تعرفين =
ان حبّها باقي لحزّة مماتي

قالت وانا اخت فلان من عيشة الشين =
والله مسبّب في فلانه جناتي

ارجوك ياعبود ياجعلك الزين =
أنا بضحي لجلها في سكاتي

وانت الله الله في فلانه ولاتبين =
اني احبك يجمل الذكرياتي

وعهدن علي منساك ياقبلة العين =
ياماخذن عقلي وقلبي وذاتي

المنتدى: قصائد - أبيات - شعر إن