قالت مها من ضيقتن داخل الـروح=لاقبل ضـلام الليـل زادت همومـه
ضرفي صعيب وزادة جروحي جروح=والوقت وجّه لـي طواعـن سهومـه
رمش الغـلا ماتقبـل الهذروالبـوح=وعـن العوايـد ماتغيـر سلـومـه
تعبيروالتعبيرجـايـز ومـسـمـوح=وكلن على كيفـه يفصـل هدومـه
اجحد وجامل راعي المـزح بمـزوح=وانا على جروح البـلاوي كتومـه
يتيمـة الابويـن واللوقـت ذابـوح=مـن لامنـي ياعـل ربـي يلومـه
ابوي وامي عقبهم ويـن ابـا روح=وزوجي غدت فيه السنين الضلومـه
ودع ومني شالهـا قابـض الـروح=حكم القدر والعبد مكتـوب يومـه
ابـوك يانـواف مايرجعـه نــوح=وعقبه من اللذات صـرت محرومـه
مالك عن المكتوب في عارض اللوح=وعزي لمـن مثلـي تحطـم حلومـه
اضلم سماي وغاب عن ناضري ضوح=نجـم السعـادة ليـه غابـة نجومـه
ليه الزمن يقسى علي حيل وشنـوح=وناستي فـي كـل وقـت معدومـه
والدمع من عيني على الخد سافـوح=ليه البكـا ياالعيـن كونـي رحومـه
وحدتني الدنيا على جـال جابـوح=ونـواف طفلـن ماتعبـر علـومـه
لاجيت ابرقد كن باالعيـن ذرنـوح=وعفت الحيات وعافت العيـن نومـه
ابطلب الي بـاب رجـواه مفتـوح=منش السحاب اللي تـرادم غيومـه
فيه استغيـث وراعـي الصبرممـدوح=ورفع يديـي بيـن جلسـه وقومـه
رمش الغلا
ام نواف
العرض الشجري