الغاليه .. !

[طلال النواف]

هي الغاليه غابت وانا غبت بعْدهـا=عن الناس عن نفسي سبايب غيابها

افكر بها مشغـول بالـي بوحدتـي=وعيني بصمت الليل زاد انسكابهـا

تسافر لها روحي وروحي يقودهـا=حنيني وحبي واشتياقـي سرابهـا

تفل ّ الطواري فارد الجنح في سمـا=سما والسما بال ٍ لجـى والتجابهـا

تذكرت لحظات اللقـا ساعـة اللقـا=وقولة هلا منها وقولـي هـلا بهـا

جلسنا نطالع بعْضنـا بيـن بعْضنـا=كأنـا بدنيـا ماسوانـا مشابـهـا

تأملتها سبحان من صـاغ حسنهـا=احس الحلا فيهـا بـدا وانتهابهـا

تعانـد هدبهـا غـرة ٍ لا تمـرّدت=على كفها .. ماتستكن في حجابهـا

ومديت يدّي واحضنت ليـن يدّهـا=وحسيت من لينه بنقشـة خضابهـا

خذتني من العالم ولا فيـه غيرهـا=قرا قلبهـا فينـي وقلبـي قرابهـا

تناسيت حرماني وهمـي وضيقتـي=بلحظات عن عمر ٍ تجي في حسابها

وبدينا نودّع بعْضنـا قبـل نفتـرق=بنظرات حزن ٍ من عذابي عذابهـا

رحلـْـت وقبل ماارحل انا اذكر بوقفتي=زرعت بوطنها دمعة ٍ في ترابهـا .

تحياتي .