لاتمرني باكر ولابعد باكر
ماراح تلقاني إذا إنت مريت
ماراح تلقى غير كومة دفاتر
خذها معك يمكن تسلّى بكم بيت
كنت احسبنك تستحق المشاعر
على كثر مااعطيت ماكنِّي اعطيت
من قبل لاتنطق (أبي) قلت تامر
وياكثرهم قومٍ لخدمتك وصيت
رقيت بك لابعد مدى حب صاير
ونزلت بي أبعد من اللي تهقويت
أكبر خطا اخطيته ولاني بناكر
إني معَ قلبك ولامره اخطيت
عشان حبك خضت كل المنابر
وزاعلت راضيت وصبرت وتحديت
صبرت لين الصبر ماعاد صابر
حاولت لكن يابعد(مدري) ازريت
كنت ارقب اغصانك وانا اللي مثابر
وقطـفتك أول مالمحـتك تـدليت
ربَى لك بداخل حناياي شاعر
فطمته فـ يومٍ نطق فيه حبيت
بعدك ولافكرت باللي يغادر
كل البشر عندي اذا حضرتك جيت
وقفة أخيرة دامه الشعر حاضر
ياللي نسيت الحب مدري تناسيت
الحب رحلة والشعور التذاكر
واللي فقد تذكرته أولى به البيت
18-09-2012, 08:56 AM
العرض الشجري