(جـــــــــوه غــــايـــــــــم)

[خالد بن جفن]

اخر ما كتبت عسى أن ينال الأعجاب



أسمع ترى ساكنٍ قلبي دفاء شوقك
أصبح وأمسي على كثر الغلا دايم

أزرع أماني الوصل تنبت على ذوقك
لوحه جميله نحتها شاعرك هايم

مستبشرٍ للأمل من حرف منطوقك
يومك تقول الهجر طيره كفخ حايم

واليوم ماعادها تشره على سوقك
عذرك هفى في قتيل الحبّ له سايم

أمعرّضه للغرابيل الكَذَب طوقك
ياما نصحته عسى يصبح بعد شايم

ياما عطاك الوفى به ترتعه نوقك
تسرح وتضوي وهو من حبّكم رايم

يشبح بروق الغلا هي ضاويه فوقك
لاشكّ مابه حيا قاعك قفَر صايم

يرجي من اللي خلق أنه يفكّ عوقك
ترجع سواقي المحبّه والهجر ضايم

وحجاجكم له تفلّه خاطره روقك
تسعد ويسعد وحظّه هومعك قايم

لاشكّ كان السّتر هو بسّ أحقوقك
حقّه عليك الموادع منت له لايم

بك يكحل العين لو ما هزّ أعذوقك
يشري ثمر آخر التوديع له سايم

وأن كانها بالجفا له تضوي أشروقك
ليله بيظلم وجوه هو معك غايم


خالد براك العجمي

6/10/2012