رَفَّعَوا المكياجْ سعرهْ وارتفعتي يا دلالْ (شعبي)

[الإبراهيمي]

رَفَّعَوا المكياجْ سعرهْ وارتفعتي يا دلالْ (شعبي)




وانتِ

حتى انتِ يامحبوبه تغلَّيتي عليّهْ

وين عشْرتنا الطويله اللي قضيناها سوِيّهْ



لحمكِ بلحمي انمَزَجْ
ما احلاكِ يا أبيضْ حنانْ

ما أريد الحُبّ أحمرْ
ما يذكّرني بأمانْ

عيشي في جسمي بدلالْ
توَزَّعي في كل مكانْ

لا تخافي لو اخذت اربعْ
أساوي في الرعيّهْ




لكن اربع مثل ذوقكْ
لكن بدون الغرورْ

وخبِّريني ياحبيهْ
يخفِّضوا سعر المهور

أنا ما أحتاج كلهمْ
بس يكَفِّيني الصدورْ

والصّدرْ صحي ويخفّضْ
كلَسترولات الخليّهْ


ياغذائي طول عمري
أذْكركْ ليل وصباحْ

أحضنكْ وانت احْضِينيني
بين صدرك والجناحْ

تمزحين بصوت عالي
وكم يذَوِّبْني المزاحْ

مرَّهْ بَسْ همسهْ خفيفهْ
خفِّفي عني الأذيّهْ



رَفَّعَوا المكياجْ سعرهْ
وارتفعتي يا دلالْ

ماهْتَمَيتي بجمالكْ
يوم ما سعرهْ برِيَالْ

انزلي من عاج قصركْ
رجِّعي عهد الوصالْ

يادجاجةْ ارتفعْ سعركْ
وارتَفعْ ضغطي عليّهْ





حسين إبراهيم الشافعي
سيهات
السعودية