قصيدة

[عساف ابو سفره]

السلام عليكم ورحمة الله وبركاته ,,,


بدون مقدمات

الشهر واليوم والتاريخ والوقت ومكاني
أذكر اللي صار فيها واصفق كفوفي ندامه

أنطوي في عزلتي والنار تحرق فالمحاني
والدموع اللي على الخدين صار لها علامه

وأتسمع خالد ليا جر صوته ثم خذاني
في عذابه كل ما غنى تصوبني سهامه

أسمعه (تقوى الهجر ) واموت في همٍ طواني
وأسمع (الحزن الأكيد) ويجرح فوادي كلامه

واسمعه (هن الخفوق) و(صدقيني) ويحداني
أتذكر سالفته اللي بعد لذة سلامه

أسمعه (وشلون مغليك) ويعاتبني زماني
وأسمعه (لك عين تسأل) وسط قلبي له ملامه

لا عزف عوده بـ (طمنني عليك) أم الأغاني
أو عزف (ياضاميه) خيم على قلبي هيامه

أسمع (موادع) وأعزم لكن القلب يعصاني
قلت يا قلبي طريقك والله إن هذا ختامه

أطوي أحلامي ودمع العين في وسط الأماني
وأدفن الذكرى الحزينه في وسط رمل الندامه

وأكتم الهم بضلوعي شامخٍ مبعد حناني
كل ليل ينجلي بالصبح لو طوّل ظلامه

وسلامتكم ,,,