صوت وصدى

[عساف ابو سفره]

السلام عليكم ورحمة الله

صـــــــوووت وصـــــدى

بيني وبين الشاعر سلطان العصيمي

اقول

صاحبي سلطان ويش اللي نشوفه في زمنا
الزمان اللي هقينا فيه بكبار الهقاوي

ادري انك صاحبي مثلي تمنى اللي تمنى
عزتي للي قضى عمره ورى تبع الرجاوي

قال سلطان

لو تلاحي ما جرالك في زمانك يالمعنا
ماصفالك لك كود ماربي كتب لك يالنداوي

لا تعيب الوقت والدعوه ترى فينا ومنا
مثل شراب التتن واللي تبخر عود جاوي

قلت

اتــمنّى واتــونّـــى واتـمنّى واتـــونّــا
واتصبر واتحمل واتلقى لي بلاوي

لا تلوم اللي يونا لا تلومه يوم غنا
الرجا بالله رب الكون سمّاع الدعاوي

قال سلطان

مانلومك لو تصيح ومانلومك لو تونا
عندكم ماعندنا وماعندنا حلً يدواي

خلها في دربها لو وسطها رمح المطنّا
تدّرج قبله وشرق وتضرب بكل النحاوي

قلت

في رجا الرحمن لابد الفرص ليّه تسنّا
فارج الكربات لامنه طواني كل طاوي

كل حزنٍ ينفرج لاقامت اجراسه ترنا
ماخسر من يربح اللي مثل سلطان ويخاوي