يابايع الدخان لاهنت دخان = عطني مرض روحي وعطني طبيبي
عطني صحيبي قلّه القلب مشحان = يابايع الدخان هذا صحيبي
شربه ينومسني ليا صرت عمسان = يازين كرزه فوق طبلون جيبي
لامن شربته مودع الهم طربان = والشاي جبته واعتذرت الحليبي
الشاي والدخان وسعود خلاّن = واللي جمعهم مر وقت ٍ صعيبي
وقت ٍ علي جاير واذا زان لي شان = لين اصبح المحبوب عني غريبي
ليته حرمني كل مابيه شفقان = بس اني اضمن مـ نحرم من حبيبي
حبيبي اللي غاب عني ولا بان = ليته درا عن حالتي بالمغيبي
راح وتركني في دجا الليل سهران = اسهر وموق العين لاجله سكيبي
اقفا وانا عقبه على الفرش مرضان = والجرح أيــّـس من علاجه طبيبي
ماحســّـب احساب الجفا نجل الاعيان = ولاحسب قلب ٍ غداله نحيبي
ولا حسب حال ٍ جذوب ٍ للاحزان = وجوف ٍ يلوفه لوف حرّ اللهيبي
ويله من اللي خابر ٍ كل ماكان = رب ٍ على دعوة عبيده يجيبي
ويابايع الدخان لاهنت دخان = بشرب وراعي نجمتي للمغيبي
وسلامتكم
الشاعر / سعود رتيبان الجويّر
العرض الشجري