(مــــــــلامـــــح)

[العيطبول]

التناكر بين (( خلق الله )) بدى.صار هذا تقل مايعرف هذاك..!
(( الفتن )) خلت رفاقتنا عِدى ..والوجيه البيض تطعن في قفاك..!!
إستمع صوتي ولاآبي لك صدى .. ذاخرٍ (ياذيب للمرقب )) عواك .
بح صوت العقل من طول الندى ..إلمس المحسوس وإستخدم ذكاك..!!
فرصة التغيير لاتذهب سُدى ...قبل تبدى .. خطوتين إرجع وراك..
طيبتك مع بعض خلق الله ردى ..لا تــواضع وأسفل العالم رقاك..!!
الحقيقه .. زيف والمصلح .. غدى ..والنصيحه أوشكت تصبح هلاك..!!
لاتقول : إن مالي ومالك جدى ..ياعزيز النفس ماينفع غنَاك..!!
وش عشاك .. وإنت ماتلقى غدى..؟؟ ..لاتقول : إن الغدى تالي عشاك..!!
أدري إن العـــــافيه ثوب ورِدى ..لكن الخوف المرض إذا أعتراك..!!
للطموح إن مات واحدنا فِدى ...البــــلا لاعشــــت ماحيٍ رجاك..!!
للعطش .. غيمه وللورده .. ندى ...والـــوسيله قــد تبــــرر مبتغاك..!!
((إنحــــــلال المجتمع)) ماله مدى ..ناظر أصحابك قبل تنظر عداك..!!
الفســــــــــاد بدُورنا قام يحدى ... أضعف الإيمان تسأل وش بلاك..؟؟


فيصل الطوالة