_…ـ-*™£ركني الهادي؛؛؛فضفضي يا نفــس،,,£™*-ـ…_

[نــوره]

خالده , مريم , ساره , نوف , أماني , ساره , زهوه , ندى , نسيم ، مشاعل , ندى , جوهره ,

أيمان , تهاني , هند , حبيبه , منى , سهام , مها ,

هاذي الأسماء كنا في يوم من الأيام شلة وكنا ما نسوي شي ألا ونحنا متفقين عليه

كنت أنا زعيمتهم وأي شي يصير يرجعون لي درسنا من أول أبتدائي الين ثالث متوسط

ومن بعدها انا غيرت السكن والي تزوجت والي غيرت المدرسه

اليوم دقت علي أماني تقولي نوره من بعد 17 سنه فرآق هالأيام تجمعنا

باقي أنتي ومشاعل ووسارة موافقة ترجعين الأيام الي رآحت

ولا ما تبينا ,,

خنقتني العبره وقلت لها لبى ذاك الزمان وحتى لو رجعنا تهقين أن القلوب بتكون

مثل قبل .. أول كانت أحلامنا بريئة وخالين من هموم هالزمن

قالت نوير تكفين أنسي كل شي هالأيام انا والشله نحس أعمارنا وكأنها 15 سنه

وما قفلت مني الا الين وافقت لها وقالت لي اعطيني رقمس اضمتس للواتس أب

دنقت رآسي وقلت ما عندي وآتس اب لا شريت الفون أبشري

ووعدتني بزيارة هي والبنات وأنا صدددق متحمسة لهاليوم


وقبل ما أقفل منها قلت لها شلون لقيتي البنات قالت الله يخلي النبر بوك

أدخل الأسم ويظهر لي أكثر من أسم واقعد أدق عليهم الين الاقيهم

أثر الفوون ما هوب سهل يسوي سوآيا