قصيده للشاعر سالم الجويّر رحمة الله عليه ونبذة تفسير وقصه له

[الجويّر]

السلام عليكم ورحمة الله وبركاته




احبابي اعضاء منتدى العجمان 0 راح اعطيكم نبذه عن الشاعرسالم الجويّر الله يرحمه




هوا الشاعر / سالم بن سعود بن فارس ابن جويّر 0 الاخ الاصغر بعامان لاخوه فارس بن سعود بن فارس الجويّر وفارس هوا جدي انا

عندما توفي الفارس سعود بن جويّر قبل مايقارب التسعين عام كانت تتراوح اعمار فارس وسالم مابين 11و13 سنه وقد ورثوا ابل ابوهم الوضح اللتي ابادها مرض السل في الخمسينات عن بكرة ابيها

وكان الذي يرعا الابل ويتبع هواها ويتنقل من منزل الا اخر هوا سالم لانه لايسمح لاخوه فارس بالتعب


وسالم كان يتبع ابله مدة الربيع كله وهوا رحال ونازل في كل روض يعجبه وكان من صفاته انه دليله بالقيعان الشاسعه ومع عشقه للبل كان شاعر وهواوي وانا ذكرته قصيدتين قبل بالمنتدى غزليه وهذي القصيده الثالثه له راح تعبر لكم عن نفسها وكان كالعاده يسنـّد على اخوه فارس


والقصيده اللي ذكرها توضح انه كان محتاج لاخوه بس السبب اندفن معهم بقبورهم


عسا الله يرحمهم ويسكنهم فسيح جناته واموات المسلمين اجمع



مطلع القصيده يقول 0

ابن جويّر قال في مبتداته = ذكر الولي يالله عسى له تعوني

يرجيك ياربه تقبـّـل دعاته = ياللي على كل الخلايق تموني

يامطلع الاسرار من خافياته = ياعالم ٍ ماكان واللي يكوني

( انا برجوا فارس ٍ في حياته) = ولاّ ربوع ٍ طيبين ٍ يجوني

خمسة عشر ليله وانا في حراته = ارجيه رجوا اللي رجا له ضعوني

من كان حي ٍ الله اللي يقاته = يامحاتي ٍ دنياك ياوش تكوني

وصلوا على اللي كان دينه وصاته = على النبي الهاشمي ترجعوني

وسلامتكم



الشاعر / سالم سعود الجويّر 0 رحمة الله عليه






توفي جدي سالم بعد جدي فارس 17 سنه قضاها كلها بغيبوبه يوم سمع عن وفات اخوه فارس

اللي توفي سنة 83

رحلوا عن الدنيا وبقي ذكرهم الطيب على هذي الارض وهذي القصيده ذكرا من اطلالهم






تحيات/ حفيدهم الجويّر