خايف يموت ويترك إبنه لحاله

[بـوح]

فكري يشوش من الهواجيس وينوش
مدري وش اللي جاه واللي جرى له

اشوف لي رجلاً على ماله يحوش
ورجلاً مضيع درب قد ضـاع ماله

وأشوف لي عابس ورجالن بشوش
ورجال يضحك بالعرب من خباله

وشايب على كرسي على طارف الحوش
جالس ويضحك بين أصغر عياله

يناظره والدمع بالعيـن مـرشوش
خايف يموت ويترك إبنه لحاله

وبنتـ(ن) يطيح الحر من نظرة إرموش
جمال ما شافه بحتى خياله

ومزرعه خضرا وذا الزرع محشوش
تشبه شخص من عمره اللي بقى له

بـ قلمي : بوح