وداعيه

[على دروب الغانمين]

عبرة وداع وصوت باهت ومسموع
والصمت حاصرني بلحظة وداعه
اصارع الآهات واخبي دموع
ومالي على بعض الظروف استطاعه
من حشمته روحت والبعد مشروع
*وقلبي على فرقاه زاد التياعه*
مارحت ادور شي خاطي وممنوع
والعمر مركب والليالي شراعه
ابعدت ادور ستر نفسي من الجوع
واطلب من الله رحمته والشفاعه
عن كل ذنبن داخل الصدر مطبوع
واستغفر الله كل وقتن وساعه
ولقيت في القرآن راحات وخشوع
ارتاح في الترتيل واعشق سماعه
واصلي فروضي بسجدات وركوع
واصلي فروضي بوسط الجماعه
والله كريم يبعد الضيق والروع
والله يرزقنا الصبر والقناعه
ولصارت العبره بلا صوت مسموع
عساه يعذر دمعتي في وداعه