أبجدية حروفي

[فلاح بن مبخوت]

بسم الله الرحمن الرحيم


من جديدي واتمنى ان تحوز على رضاكم

((أبجدية حروفي))

أبجدية حروفي استثارت ومال = كل غصناً رسمته في خيال القصيد
بينت لي محبه ثابته كالجبال = في رواية غراماً تستهل النشيد
تكتب الموت كلمه واردفه ذا محال = تبتسم واكتب ان الموت شياً اكيد
ثمرة العلم جاتك ياغبي الرجال = وثمرة الحب عندي وانا ماني بليد
جننوني نيوتن كيف سوا وقال = وبالمحبه لقيت الانجذاب الشديد
حيرتني وصارت كل نظره سؤال = إزهمولي نيوتن كان يقدر يفيد
خايلتني وقالت ويش معنى الوصال = قلت اصادق مماتي كان حظي سعيد
دونتها رساله والحديث استطال = قلت ليه الرسايل ماحدينا بعيد
ذكرتني بليلى واظربت لي مثال = كيف صار الملوح بعد حباً مجيد
روعتني الاجابه قلت هذا خيال = قالت الغيب علماً عند رب العبيد
زينتها (بـ يمكن) كل شي احتمال = واكتبت لي احبك يالحبيب الوحيد
سامح الله ظنونك ياشبيه الغزال = والله اني احبك من صميم الوريد
شف عيوني وتعرف ويش معنى المنال = لو تروح إعلم إني ند سيف الوليد
صيّحت واستعاذت بسم رب الكمال = وقالت الله يديمك جعل عمرك مديد
ضو شعشع وراح الفكر بالأنتقال = قلت هاتي يدينك وافهمي ما اريد
طوفيها ظنونك كل شياً عدال = عيشيني حيات اليوم والله حميد
ظل ربك ظليلاً ولاغيره ظلال = ارسميها ابتسامه حتى عمرك يزيد
عيدي ياحياتي دام عيدك حلال = عيدي ياحياتي كل يوماً وعيد
غردي من قصيدي وابرزيها دلال = الدلع والمياعه عند غيرك جليد
فهميهم وقولي ويش معنى الزوال = فهميهم وقولي كل رايً سديد
قالت المعنى واضح يعني شد الرحال = عن جميع المجره صوب فكري وسيد
كملي ياحياتي!! قالت الوقت حال = قلت نسهر سويه ياغلا من جديد
ليلة بعد ليله كل عمري ليال = قالت ارجوك هون قلت والله لعيد
مازحتني وقالت انت صابك هبال = قلت مجنون منك واظربت راس بيد
ناظرتني وقالت مثل قيس أبن ال = واستبقت الكلام وقلت هل من مزيد
هونت ثم قالت بعد بكره تعال = وقلت بكره وبعده قالت اللي تريد
واهمست لي بكلمه بعد هذا الجدال = ابتدعها قصيده غير كل القصيد
يابحور القصيده يلالاله يالال = يأبجدية حروفي سمعوها النشيد

وسلامتكم