هبت هبوب الحظ والنصر قايم = وشمسك بدت وشموس أعاديك غابت
يابدر من نورك تضيع النعايم = وسهيل والمرزوم من مبداك غارت
تزلزلت منك الجبال العظايم = والوحش منكم بالجبال استجارت
واهني ّ قومٍ ماعليها جرايم = وياويل قومٍ خالفت ما استقامت
أمشي على رايات راعي العزايم = إللي لحكمه جملة الناس طاعت
عبدالله هااللي في يديه الحكايم = نجمك علا ونجوم غيرك تهاوت
سلطان مكه من ملوك آل هاشم = له هيبة منها الملوك استخافت
وإن جا نهارٍ فيه بايع وسايم = في ملتقى الصفين والخيل غارت
ينصى صدور الخيل يوم الهزايم = والبيض والسمرالعوالي تخاوت
من فوق جمّاحٍ شديد القوايم = وخيل ٍ إذا ما طوّل الركض زادت
خيلٍ جيادٍ صافناتٍ كرايم = لو هشّها الرّاكب مع الريح طارت
أمهار تسبق طايرات الحمايم = لوكان من ريح الجنوب استعارت
فرعون اللي مات من أوّل مزاعم = والله نصر موسى والأفلاك دارت
وعساك يا بن عون فالعز دايم = يا سيّد السادات لو كان سادت
بديوي الوقيداني
العرض الشجري