قصيدة الأمير راكان بن حثلين ردا على أمير قحطان أبن قرمله

[gft]

الأخوه والأخوات
أعضاء وزوار ومشرفين
منتديات شبكة العجمان
السلام عليكم ورحمة الله وبركاته
هذه احدى روائع امير قبيلة العجمان
في رده على امير قبيلة قحطان أبن قرمله
عندما نصاه أبن شافي أمير قبيلة الهواجر
محرضا اياه الحرب على قبيلة العجمان
فبعث برسالته وهي عباره عن قصيده
للاسف لاتحضرني الان وسأحاول جاهدا ان أحضرها لكم
متى ماتوفرت بين يدي وأتى رد الأمير راكان بن حثلين
مدويا وكان به الكثير من الشجاعه والحكمه والحنكه
والأعتراف بقوة الفريقين الا انه مع ذلك أبت شجاعته
أن يعلن أستسلامه أو رضوخه ويبين في قصيدته
احترامه لخصمه ولو انه اتى ضيفا سيكرم ويحتفى
به وانهم قوم اشداء ورغم قلتنا امامكم الا اننا
سنكون لكم عدوا شرسا صعب المرام او الفوز
به دون بذل الغالي والنفيس منكم وستجدون
قوما وان قل عددهم فهم لايهابون الموت
وستجدون من يبهركم في فروسيته
وضرب المثل في محمد الطويل
احد فريس العجمان الأشداء
وضرب عدة امثال
مهددا ابن قرمله
بها ومعلنا
الحرب ان
ارادوها
اليكم القصيده
وآسف على الاطاله
وهذا ماقاله
الأمير

ياراكب حر تذرب سنامه = عليه ني راكب نيه العام

ماصك لحيه في ليالي فطامه = وعظمه قوي من لبن كل مرزام

الى ورد عد يطير حمامه = جا للصريمه من لحيه تقصام

تلفي لابن هادي كبير العمامه = شيخ ورمحه مع هل الخيل مرسام

مر يواعدنا بحرب وقوامه = ومر يجينا منه هرج وتسلام

حي ذا الكلام ومن هو كلامه = اللي لفانا منه هرج التوهام

وش الجزا ياشوق زاهي الوشامه = بالسابق اللي ماعرفنا له اوقام

كزيت لك نور السلف والجهامه = باغيه ذخر في مقابيل الايام

وغديت انا وياك مثل النعامه = جاها بلاها من ثقيلات الاقدام

ان كان تبغي سابقك والسلامه = فلا تحول بالجحادر على يام

حرم عليكم النوط تطلق بلامه = مادام عنده واحد من ضنى يام

معنا الطويل اللي تجيكم علامه = مثل العديم اللي على الجول صرام

الترك قبلك زارنا به زعامه = وقد عافنا واختار عنا هل الشام

ان كات تطري حدرتك بالجهامه = لما توصل بك لهذيك الارجام

ذي ديرة الحاكم كبير العمامه = اللي نحى عنها طوابير الاورام

قدامكم شيخ رفيع مقامه = الخيل قرح وابيض الخد قدام

وان رادها غيره ضربنا رثامه = عود يبدل هفوته بالتندام

يالله عسى الفردوس ملقى عظامه = اللي بعث دين النبي دين الاسلام

مثل الدويش اللي يقدي الجهامه = عرقت جواده فوق رجله والاقدام

وان كان حدر لابته من تهامه = حنا لهم في مقطع الصلب قدام

اقبل وحنا لك نسوي كرامه = شلف على شهب سريعات الاولام

تسعين رمح كسرن في عدامه = عشلاين منهن بين راكان وحزام

كم ثار عند ركابنا من كتامه = ياما هلك من ضدنا من سبب يام

كم من حريب دارج الدم دامه = يشبع بها السرحان والطير لا حام

حنا كمنا سيل تنحى غمامه = هامل بردها بالفرنجي والاورام

سيله يقزي مانحا من عدامه = ورعودها منها المدن له تقصام

كم سيف هندي فضخنا لجامه = بايماننا كنه مقابيس الاظلام

نروي من ارقاب السكاري جيامه = في هية يشبع بها كل حوام

ونطعن لعين عريض سنامه = شقح مفاليها مباكير الاوسام

ان كان ودك عندنا لك كلاامه = وتدري بضيفتنا لك الشرق والشام

اقبل علينا حي سوق المسامه = وعاداتنا نغلي جلب كل سوام

حريبنا تصبح بكبده ندامه = وبراية الله والقدم ناحر يام

وصلاة ربي عد ما انشي غمامه = على النبي خصة الله بالاكرام

وسلامتكـــــــم
كلي امل ان يحوز
على اعجابكم
ماطرحته لكم
من قصائد
الأمير

ملاحظه
تم اضافة القصيده
الى ديوان شعر
الامير راكان