مسكين ياقلب العنا زايد عناه = مستدرج ٍ بالربح هايل خسايره
عقب المحبه والليالي الجميله = صارت جميلات الليالي جايره
من يوم مافارق وليفه وابتعد = تبدل الأنس بغلايل حسايره
والعين وبـّال السحايب دمعها = دمع ٍ على الذكرا يثوّر ثايره
يجلا مطرها دام ناس ٍ حولها = معا انها بالحزن واضح حايره
ياعين لاتبكين من خانت هواي = اللي على العهد الموثــّـق بايره
انتي وقلبي ياعيوني وفيتوا = وحال ٍ تكوا ضامره من زقايره
وشلون ننعي بالحزن من نستنا = اللي بحب الغير راحت زايره
الله يعوضنا بها حب ٍ نظيف = ماخالطه شين الفكر في فكايره
حب ٍ يداويبي جروح ٍ مدمية = وتصبح حزينات الظلايم نايره
لابد به يوم ٍ يجينا واصبروا = صبرن جميلن والليالي دايره
وسلامتكم
الشاعر / سعود رتيبان الجويّر
العرض الشجري