رقيت انا الضلع وقمت اصيح بالعالي

[مهرة الصمان]

عندما يجلس الانسان مع نفسه يتذكر اعز الناس الى قلبه حتى ولوابعدوا في هذه اللحظه تذكرت مامضى وكنت في مكان عالي اللي هو الضلع يعني الجبل ولكن احب ان اكتب بلغتي العاميه لانها احاسيسي النابعه من القلب.

رقيت انا الضلع وقمت اصيح بالعالي = ياليت خلي قريب ٍ لي ويوحيني

ودي افرج هموم ٍ مشغله بالي =واقضـّي الوقت لين الليل يمسيني

ياضلع انا بنشدك هو يرجع الغالي =والا يجي يوم نور العين يطريني

ياضلع قله يجيني زاد غربالي = قله ترا الصمت يا اغلا الناس يطويني

ذكراه تبقى وتبقى عبر الاجيالي = بتذكره حيث ذكراهم تسليني

من يوم مابعد وربي عالم بحالي =ياليتني ماعرفت اللي معنيني